اكره بنات النت !!بشكل عام!!
--------------------------------------------------------------------------------
مع احتراامي الشديد لمن لديهم هذه الفكرة
السلام عليكم ورحمة الله وبركاته
كنا نظن ان المنتديات عديمة الفائدة للبنات وكنا نظن أن الواجب يكتفوا بقرأة كتاب او يسمعوا شريط فهذا هو اقصى حد لهن
ولكن في المنتديات.. لقينا من خلال الإشراف في منتدى او في مكان آخر أنهن والله يعلم أكثر الناس مشاركة .. ويحرصن على العلم بجميع فروعه
اعجبنا من التزام بعضهن ..
اعجبنا من بعض المواضيع التي لا يأتي بها إلا من هن على درجة كبيرة من العلم الشرعي
اعجبنا من بعض المواضيع التي لا يأتي بها إلا من جربتها
اعجبنا من سعة اطلاعهن علميا واجتماعيا
نتعلم من بعضهن ..
ندل بعض على الخير ...اساليب دعوه .. ادعيه .. اذكار .. مشاكل في المجتمع او الأسرة
بعضهن فيهن جدال ... لكن ماهو مثل جدال بعض الرجال .. بصراحه والله يشهد .. اكثرهن يجادلوا للحق .. وماهو لفرض الرأي ... والى الآن ما شفنا التشدد والتعصب والمبدأ الشهير الي تعلمنا تركه وراء ظهورنا .. "انا صح وانت على باطل"
أقول للمتعلمة تعالي الله يجزاك كل خير نتعلم منك ... و اقول للملتزمة .. تعالي الله يجزاك كل خير نتعلم منك وتدعي لنا .. والي داخله ومافي نيتها لا تتعلم ولا تلتزم .. تعالي الله يحييك ... اقضي وقت فراغك هنا ولا تقضيه في شي ثاني ... و يمكن تكتبي كلمة نتعلم نحن منها ... ومين نحن لأجل ما نتعلم من اقل وحده علما او دينا .... وغير كذا كيف كيف كيف نغفل عن قوله تعالى
(ومايدريك لعله يزكى * او يذكر فتنفعه الذكرى )
شاهدت بنات التزموا ..
على الأقل نكتب ويكتبوا ... آيات واحاديث او علم ينتفع به .. إن ضاعت بيننا ما تضيع عند الله
ندعي لبعض .. ايه ندعي .. وبظهر الغيب ..
نرد على بعض .. نقوي الإخوة .. والي ما يفهمها بكيفه بكره يفهمها ... ولا عله ما فهمها
سالت عالم واكثر من عالم فقالوا عسى الله ان يجعل اجتماعكم اجتماعا مرحوما .. وتفرقكم من بعده تفرقا معصوما .. ما نحب نجيب فتاوى من عندنا ولا نفرض رأي ولا نجتهد على حساب عقول الناس
.. والله البنات فيهن خير كبيييييير
انظر دائما للخير .. ترى الدنيا بخير .. ومافي داعي للتشاؤم
( ولو كنت فظا غليظ القلب لانفضوا من حولك )
البنت الصالحة يعني ذرية صالحة .. يعني امة قوية .. البنت المتعلمه يعني ذرية متعلمة ... يعني امه متعلمة
أيهم افضل نفتح مجال مع بناتنا واخواتنا هنا في المنتدى للنقاش والحوار .. ولا نحط رجل على رجل ونقول الأغاني حرام اقرأي وانت ساكته .. يا بنت النقاب الفلاني غير شرعي .. اياك تردي برد .. عيب ولا تشرحي وجهة نظرك ..مشاكل العنوسه .. ما يهمنا وجهة نظرك ما يصير ... قضية فتيات نفق النهضة .. هذا رأي الرجال .. اسكتي واتعلمي ... وبعدين اقول انا حققت قوله تعالى ( وجادلهم بالتي هي أحسن )
اعجب اشد العجب للي يقول المنتديات فيها الفتنه لمجرد سمع قصة او الف قصة .. وودي اسأله الشوارع ويش فيها ؟؟؟ لو دخلت مستشفى والعاملات فيه كاشفات شعورهن ويش فيها ؟؟؟ البالتوك ويش فيه ؟؟ الجروبات الجنسيه ويش فيها؟؟؟ الجوالات والبلوتوث ويش فيها ؟؟؟ التلفزيون ويش فيه ؟؟؟ المجلات الجرائد ويش فيها ؟؟؟ ..
ما نظلم الفتيات ونسمع لهن
اريد منكم ان ترجعوا لمشاركاتهن وتفكرون للحظة هل لديهن فضل كبير في تقدم المنتدى هل هن كن اكبر ركيزة لوقوفه؟
لا تظلمونا فنحن نسعى للمعرفة
اتمنى ان اغير نظرة البعض في فتيات النت وانا اعني من هن على خلق
اشكركم
منقول للمناقشه