ألذ وأسرع كابتشينو لا يفوتكم

ليوم جايبه لكم طريقتي في الكابتشينو الذيذ نصيحه تجربونه والله كل من ذاقه يذوب عنده ويسألني وش طريقتك ....

طبعاً أحلى شي أنه ينحط بالفريزر وتلقينه جاهز إذا أحجتيه يعني فيه كل شي زين ..

أول شي المقادير ..

كوب نسكافه ..
كوب مــاء ..
كوب سكـر ..

الطريقه ..

1) نحط المقادير في الخلاط سواءً في الكأس أو خلاط الكيك إلين يصير مثل الكريمه طبعاً هو بيطول بس معليش ..

2) نحطه في علبه لها غطاء لحفظه بالفريزر .. طبعاً الخلطه بتصير كثيره ممكن إذا كنتي تبين تجربينه أو عددكم قليل تسوينه بياله من كل شيء أهم شي بس تكون المقادير متساويه ..

3) لعمل كوب من الكابتشينو اللذيذ نحط ملعقه إلى ملعقتين حسب حجم الكوب ثم نصب عليه حليب مغلي مع سكر حسب ذوق كل شخص بس أهم شي أن الخلطه تنحط قبل الحليب علشان تساعد على تكون الرغوه ونزينه بشوكولاتة هنتز أو بكريمة الخفق الجاهزه و بشكولاتة الهيرشي ..

وبالعافيهـ ..